|
|
| Bericht |
 |
| |
|
|
|
 |
|
tb228 |
|
| |
Stinger |
| |
Flab RS 93 2 04 Payerne |
| |
|
| |
Bericht: 1 2 3 4 5 6 7 8 9 10 |
|
| |
| Bericht 1 |
|
|
| |
Servus zäme
I han mi däzu entschlosse, dass i d'Erläbniss won i mit dä Of's us miner Kp gha han mal schriftlich tun feschthalte.
Mir sind momentan i däre Phase wo sich Kp gruppewies uf d'VBA 1 tut vorbereite. I dä letschte Wuche hät's en riese Mat verlad gä und da hät sich wieder ä mal zeiged wer würkli für d'Arbet zuständig isch.
Fangemer ä mal bim Zfhr vom Z2 a:
Mir bi dä Stinger händ no dä alti SE-225 Chaschte (bitte nöd lache), dä Zugführer hät uf sim Puch e Version mit eme Mag Stromaggregat, eis vo däre Sorte wom mer muss froh si wänns lauft..
Das obe gnanti Aggregat hät e spezielli Steckdose für's SE, us irgendwelchne Gründe hät's im Mat Mag e verwächslig zwüsched zweine verschiedene Mag's gä, das won er jetzt gha hät isch das gsi wo zunere Belüchtigsgruppe ghört..
Binnen irgendwie hät er nöd welle kapiere, dass wän er das bruchi sis SE öppe 1 Sekunde am laufe seg...
Und das nachane dä glichi au no es 2 Takt-Gmisch mit Diesel gmacht hät verwunderet glaub au nöd wieter..
Wär jetzt dänkt das segi ä Usnahm dä tüscht sicher aber gewaltig..
Au sin Kolleg vom Z1 isch nöd viel besser:
Wenigstens isch das en "Töfflibub" aber au das hät ihm nüt gnütz won er zu mir isch cho go sini Schlüssel-Bünderbefehl go hole..
Obwohl er jetzt ja eigentli Lt wäri underschriebt er mer immer no mit Obwm --> me gseht also innerlich isch er nanig parat;-)
So das wär's ä mal für die Wuche, i wirde sicher i dä nöchste 9 Wuche no so einges erläbe. |
| |
| Bericht 2 |
|
|
| |
Wieder isch ä Wuche verbie und ja es isch scho wieder einiges passiert...
Mäntig:
Die ganzi Kp hät am morge e Bereitstellig gha, letscht's Mat hät müsse retabliert werde. Es wär ja eigentli alles gut gange, ussert das einigi Zfhr nanig gmerkt händ, dass im Mat Mag gwüssi Sache sind, wo scho sit über ä Wuche dete iglageret worde sind...
Offebar isch dä Gschirrzusatz zunere Det Chuchi nöd ä so wichtig...
Am Abig dänn isch dänn eis vo dä geliebte Mag-Aggregat zruggcho, das vom Zfhr vom Z3 hät irgendwie s'Gmisch vom Zhfr Z4 nöd ganz so gut vertreit (isch ächt wieder ä mal Diesel im Spiel gsi..).
Und plötzlich hät mer dänn au dä Chuchizusatz vermisst..
Zischtig:
Wie doch das Sprichwort: "Me söll dä Tag nöd vor em Abig lobe" stimmt. Am Morge isch alles riebigslos abgloffe, aber am Abig hät's Puff agfange. Für dä Mittwuch isch Zweitfunktionsusbildig uf em Plan gstande und da ä gwüssi Schul nöd fähig isch s'benötigte Mat vom Züghuus sälber go hole, hät mer müsse us sämtliche Gruppe War zruggfasse. Irgendwie händ das aber gwüssi Zfhr nöd so ganz welle begriefe und händ dä Plan vom Fw und em Mat C total uf dä Chopf gstellt. Nach öppe 2 Stunde isch dänn doch ä mal alles Mat zämegsi und hät chönne im Mat Mag für dä nächsti Tag bereitgstellt werde..
Mittwuch:
S'gsamte Mat für dä Usbildigstag hät s'Mat Mag pünklich verla.
Aber irgendwie isch ä Mat Bstellig für Kadaus vergässe gange. Nach langem hin und her hät mer sich dänn chönne uf 4 grossi Bier einige und dä Tages Of hät sis Mat dänn doch no becho.
Am Abig isches dänn drumm gange, dass sämglichi Gruppe wieder isatzbereit gmacht werded (WEMI). Im Lauf vom Tag hät sich immer me zeiged dass da Mat im Umlauf isch, wo hinde und vor nöd isatzfähig isch. Am Abig hät mer sich drumm entschlosse, dass ali Gruppe namal alles usleged. S’erneute Puff cham mer sich ja wieder vorstelle. Wo dänn das alles gmacht worde isch, hät jede Grfhr a sim Zfhr en 6.5 müsse abgä wo schriftlich feschtghalte worde isch öb komplett oder nöd.
No öppis zu dä KADAUS, irgendwie isch gwüssne Zfhr dä Artikel über d'Sorgfalltspflich im DR nöd so ganz bekannt. Es chan's jetzt eifach nöd sie, dass Mat wo am Morge no nigelnagel neu gsi isch, am Abig ä so zrugg chunnt, dass mer's nümme chan flicke.
Dunnstig:
Eigentli heted ja alli Gruppe für dä Isatz barat müsse si..
Denkste plötzlich sind söttigi is Mat Mag cho wo eigentli alles komplett gha händ und händ no irgendwelchi Sache welle gho hole, s’einzige wos gä hät sind Rächnige gsi.
Dä reschtlichi Tag isch die ganzi Kp im Fäld gsi und am Abig isch s’Retabliere schön diszipliniert zu und her gange..
Fritig:
Ich säge numme eis: uf Nimmerwiedersehen Obgfr und Servus Wm;-) |
| |
| Bericht 3 |
|
|
|
Montag:
Dä ganz normalie Wahnsinn hät wieder ä mal agfange. Me muss sich ja scho frag, öb eigentlich die Of's au öppis vonere Planig verstönd: so gwüssi Mat Bstellige für dä Mäntig sind ihne erst am Mittag in Sinn cho.. Gott sei dank bin ich do aber uf ere Retablierigstour im Züüghuus gsi:-)
So hät halt's Programm für dä Namittag liecht abgänderet werde müsse. Am Abig wäri ja eigentli Uusgang gsi, aber plötzlich hät's gheisse, dass es U "SOLDIER MAN" gäbi;-) Was das genau isch, händ sich gwüssi nanig chönne so ganz vorstelle. E ganzi Kp hät i Zweierkollone gut 2 Kilometer zunere Kapelle verschobe, dete acho hät sich dänn jede Rekr müsse vor em Kadi is Achtung chlöpfe, dänn isch em zum Sdt gratuliert worde. Am Schluss isch dänn no dä obligati Fahnemarsch und s'Absinge vom Schwiizerpsalm dracho. Persönlich muss i säge, dass da doch ä mal öppis bsundrigs für d'Stinger isch; suscht hät's amigs numme gheisse: "Rekruten achtung, Soldaten ruhn"
Zischtig:
Das Problem wo's Kader mit em Material so hät, händ offebar gwüssi Sdt au..
Ei Gruppe hät innerhalb vo 4 Stund en sälbstverschuldete Schade vo 122'500 Stutz färtigbracht!!!
Mittwuch:
Ändli mal en Tag wo die ganzi Kp wieder ä mal im Fäld gsi isch, söttigi Täg liebt mer doch. Am Morge e Stund Arbet und am Abig au wieder. Ussert, dass für Zfhr dä Usgang gstriche worde isch - Folge vo dä Mat beschädiunge vo letschter Wuche - isch nümme viel spannends passiert.
Dunnstig:
Für dä Tag isch die ersti 24h Isatzübig i dä einzelne Füreinheite agstande. Namal hät mer am Morge alles Mat usgleit, fraglichi Batterie dur neui ersetzt und s'letschte Mat retabliert. Was mer als Mat C a sommene Tag so alles macht isch natürli klar, me gaht is Züüghuus und luged wommer was so alles bechunnt. Bis uf Thun bin i dänn aber nöd gfahre, da i z'Bern so viel becho han, dass i wieder imme Plus gstande bin.
Fritig:
Da i no en Tag kompensation z'gut gha han, weiss i nöd was no alles passiert isch:-) |
| |
| Bericht 4 |
|
|
|
Mäntig:
Am Morge hät sich die ganzi Kp für e zwei Tage Übig barat gmacht. Hmm, bi däre Bereitstellig isch aber nöd alles suber kontrolliert worde, es chan ja nöd si, dass aner Füüreinheit dä Brännpastechübel fählt
Zischtig:
Uuschlafe bis am 10;-) Die ganzi Kp isch ja immer no uf em Fäld usse. Am Namittag hät's mi dänn is mühsamste Züüghuus vo dä Schwiz verschlage. A alli Mat C, gönd nie uf Payerne go retabliere. Am Abig isch die ganzi Kp zruggcho. S'totale Ghetto hät wieder agfange, jede hät am andere s'Mat welle strietig mache...
Mittwuch:
Für dä Tag isch en Ordnigstag uf em Programm gstande. Es isch wie immer gloffe: me seckled zum warte und mer warted zum seckle. Dä ganzi Tag wäri vo dä Arbet her scho 1400 abgschlosse gsi, aber bis am 1800 hät die ganzi Kp no müsse umepimmple!!
Dunnstig:
Wieder hät s'Züüghuus grufe, doch siehe da es git au in Payerne "normali" Züüghüsler (Pardon es heisst jetzt ja: Zeughausangestellter). Nach dä Rückkehr hät's dänn doch ä mal no en chline Uusgang gä...
Fritig:
Zu dem Tag git's wieder wenig z'säge, HV 0800 |
| |
| Bericht 5 |
|
|
|
Mäntig:
Am Morge hät wieder für die ganzi Kp e Bereitstellig agfange, dete isch dä einti no mit ere SE-Batterie cho, dete no dä anderi mit eme Wunsch nach Chläbband.
So ca. ab 0900 isch dänn die ganzi Kp uf em Fäld gsi. Über dä Mittag han i dänn mit eim vo dä Grfhr chönne rede und folgendes han i däbi erfahre...
Dä Zfhr vom Z4 hät doch tatsächlich welle es paar Chüüh uf eis Glied besammle, das aber nöd numme so ganz churz, sondern gschlagni 10 Min heg er das versucht..
Zugschul halt ä mal andere;-)
Am Abig sind dänn wieder alli zruggcho, und s'Retabliere hät wieder agfange.
Zischtig:
Vom Ablauf her genau glich wie dä Mäntig, bsunderigs i dä Kp hät's nöd gä..
Numme han i leider müsse merke, dass dä Verwaltigsapparat in Payerne nöd ä so ganz funzt..
Da wot mer für en Armee 95 sämtlichs überflüssigs PA-Mat uf Armee XXI Stand bringe, und was mum mer erfahre: "Heute habe ich keine Lust noch etwas für die Kp zu machen"......
Mittwoch:
Ablauf dito wie am Mäntig und Zischtig. Ussert, dass am Abig dä Fak-Usgang gsi isch..
Dä eigeti Uof-Stiefel hät mängi Rundi gmacht.
Dunnstig:
Morge Ablauf wie immer. Isch doch interessant was binere Mat Ko so alles fürechunnt was fählt, im gsammtwert vo 400CHF han i chönne go War hole..
Am Abig isch dänn s'ABV um 90 Min füreverleit worde, als Uo, ab id SS
Fritig:
Morgeablauf gäng wie gäng.
Nach em Mittagässe han i dänn vom eine Zfhr es besorgts Tel becho, wo i eigentli segi, i müssi go War retabliere cho..
Offebar händ alli Zfhr an andere Tages Bf becho, als dä Fäldi und i..
So isch halt die schöne Puch Tour am Nammitag halt is
Wasser gfalle.
Samstig:
Sit längerem han i erst wieder am Samtig hei chönne, 0800 HV und dänn Tschüss. |
| |
| Bericht 6 |
|
|
|
Mäntig:
Die ganzi Kp hät am Morge die alltäglichi Bereitstellig gmacht, nachane sind's für en ganze Tag im Wald verschwunde..
Nach em erstelle vo dä Bsorgliste vom Züüghuus, isches ab innen KANU-Rapport gange..
Kei 10 Min dete, scho hät dä ersti Zfhr afange störe. Er brüchi dringend ä Batterie für eine vo sine Füüreinheite..
(Däbi hät doch jede Zfhr 3 vo dene uf em Fahrzüg druffe...)
Am Abig sind dänn alli wieder zruggcho.
Zischtig:
Bereitstellig, Abfahrt und dänn han i gwüsst, dass i die nöchste 48 Stunde mini Ruh ha wird..
Am Nami isches dänn ab is Züüghuus gange - so gwüssi Problem sind jetztig ja bekannt.
Mittwuch:
Uschlafe bis am 10;-), nach em Z'mittag so langsam alles für d'Rückkehr vo dä Kp parat mache. Am Abig isch dänn s'ganze Retabliere ohni Problem gange. Nachane Fak bis 2400..
Dunnstig:
S'gliche Spiel wie am Zischtig, doch halt i hetti doch is Züüghuus sölle. Sämtlichi Fahrer vo dä Kp sind dusse gsi. Wänn das numme gut usechunnt.
Fritig:
Uf Grund, dass i nöd is Züüghuus han chönne, isches a dä Abentliche Retablierig zu schöne Mat Ängpässe cho.. Wänn das die nöchsti Wuche namal ä so gaht - gut Nacht..
Samstig:
0800 HV und ab is Wucheänd |
| |
| Bericht 7 |
|
|
|
Mäntig:
Nach eme Verlängerete Wucheändi isches am Mäntig uf die 1700 zum Bahnhof Fribourg greist. Dete hetted eigentli sölle d'Büs warte, doch irgendwie hät dä Schul-Fou-Fou die Büs erscht uf die 2300 bstellt gha.
Nach gut ere Stund händ dän Busbetrieb Fribourg mal ein Bus chönne baratstelle...
Vo Payerne her sind dänn aber scho 5 6DM, 1 10DM und en Duro underwägs gsi. Die ganzi Verschiebig uf Grandvillard hät also mit armeeeigene Mittel stattgfunde. Statt 1800 HV isch das dänn ä mal so gäge 2030 uf em Plan gstande.
Zischtig:
Jetzt muss au dä Mat C uf's Fäld. En Teil vom Mat Mag isch in en Duro verlade worde und mit dem wird i no für die letschte 3 Wuche underwägs si.
So gäge die 1000 isch es dänn drum gange, dass dä Kdo Z immene alte Züüghuus es Fäld KP igrichted hät. Mangels geignete Lüt isch das aber nöd ä so schnäll wie erhofft gange. So gäge die 1230 händ mer's dänn aber doch no fertig bracht und es hät ändli öppis zum ässe gä. Am Namitag isch es dänn drum gange, wie mer dä Mat Nachschub tut richtig plane.. was eigentli nüt anders heisst: es isch is Züüghuus gange;-) Am Abig churz nach em Z'nacht isch es dänn in gute alte Schlafsack gange..
Mittwuch:
So gäge 0700 isch im Fäld KP Tagwach gsi, langsam isch wieder Läbe in Lade cho. Alles zämerume und so gäge die 1100 isches zrugg gange. Nach dem dänn die reschtliche Züg nach und nach au no cho sind, isch s'Retabliere los gange. Das hät dänn dä ganzi Nami dured, am Abig isch Fak Usgang gsi.
Dunnstig:
Wieder die glichi Übig wie am Zischtig, genau s'gliche KP doch dasmal isch alles andersch gsi. Innerhalb vo 30!! Min isch alles gstande. Nach em Z'mittag isch es wieder ab is Züüghuus gange. Was mer a dem Tag nöd gwüsst händ, dass bi dä eigentliche Kp Inspektion au dä Kdo Z drachunnt. Am Abig hät eus dä Kadi mitteilt, dass dä ganzi Kdo Z am Fritig 1500 hei chan. Die bis anhin scho guti Stimmig isch no besser worde, und mer hät sich au ä chli me elaubt als eigenli notwändig gsi wäri..
Fritig:
MBG 4 0700, 0800 wieder zrugg in Grandvillard, dä reschlichi Morge isch sehr schnäll verbie gange, 1200 Mittagässe, 1300 Kp Foti und 1500 Abträte in Wucheänd Urlaub. Und das mit dä Gwüssheit, dass i 3 Wuche mit 9 Mönet Militär fertig bin. |
| |
| Bericht 8 |
|
|
|
Mäntig:
Die grossi 4 Tage Übig isch uf em Programm gstande. Zum zweite Mal hät's isches druff a cho, dass e gsammti Abteilig chan bestah.
So gäge die 1000 isches für dä Kdo Z zum e gsicherete Halt gange. Vo dete Us isch dänn es Sicherigs-Det und es Uem-Det is neue Kp gfahre. Nachdem vom Sicherigs-Det s'Ok cho isch isch dä reschtlichi Tross im 5 Min Abstand gfolged. Für die hütigi Nacht isch en chline Kdo Bunker zu Verfügig gstande.
Zischtig:
Nach ere Nacht uf sehr sehr ängem Rum isch so gäge die 0500 Tagwach gsi. Alles isch wieder ipackt worde, und d'Grfhr händ mit em Fäldi alles für dä neui Kp Bezug besproche. So langsam hät sich usezeiged, dass s'neue Kp imme Stall wird si, wo uf 3 Site offe isch...
Nach dä Abfahrt vom alte Ort hät mer sich wieder in en Warterum begä. Nach dä Uslösig isch es schnäll zu dem erwähne Objekt gange..
Mer hät eus nöd z'viel versproche - so wie halt en alte Stall isch - chalt, staubig ganz eifach: verschisse!
Mittlerwile hät au dä Kadi Stv gseh, dass mer da nöd zwei Nächt chan verbringe und er hät bi dä Übigsleitig dä Atrag gstellt, dass mer wieder an alte Stao verschiebe chönd. Das isch dänn au bewilliged worde und es hät wieder gheisse alles abbräche.
Am alte - neue Stao wieder s'ganze vo vorne, aber dete hät's ja wenigstens ä Heizig gah;-)
Mittwuch:
Nach ere warme Nacht isches mit em Tagesablauf wieter gange, wie im normale Dienstbetrieb eifach uf em Fäld usse. So gäge die 0900 isch dänn ä mal ABC BG 2 verchünded worde...
I han dänn vom Kadi dä Uftrag becho, dass i uf Bern müssi öppis go bsorge, währed däre Zit isch dänn prompt en Übigs C-Alarm usglöst worde...
Glück muss der Mensch haben;-)
So gäge dä 2300 nach gut zwei Stunde "Kaderblödele" isch mer dänn wieder in Schlafsack gstiege und geischtig hät mer sich scho uf dä FAK-Usgang vom Dunnstig gfreut.
Dunnstig:
Tagwach 0600, langsams Ufahre vom MBG 1 uf en MBG 2. 1100 isch dänn MBG 3 erstellt worde und 1200 MBG 4 mit Retorno sofort;-) Wieder im Camp zrugg, isch es sofort as Retabliere gange. I däne 4 Tage isch erstundlich wenig Kaputt gange.
Fritig:
Für alle en Repe Tag. Han am V+T Uof ghulfe a dä PUCH's Blache z'wächsle etc. Am Abig häm mer dänn no Kaserne Usgang becho.
Samstig:
HV 0800 und Tschüss |
| |
| Bericht 9 |
|
|
|
Mäntig:
Die grossi Abschlussübig isch vor dä Türe gstande. Dämit die ganzi Kp fit für die isch hät mer namal en Repe-Tag gmacht. Da i suscht dä ganz Tag nüt anders z'tu gha han, bin i halt scho jetzt aneghocked und han en grosse Teil vo dä WEMI vorbereitet.
Zischtig:
Ab 0001 isch die ganzi Kp in en MBG 1 uf 4h gholt worde. Tagwach isch aber glich erscht am 5 gsi.. Nach dä geschtrige Bereitstellig hät mer nur no müsse d'Packige verlade und die ganzi Kp hät MBG 4 erreicht gha. So nach öppere Stund im SOSI (Sofortsicherung) hät's dänn au für dä Kdo Z ibote gheisst. D'Reis hät eus uf Langnau im Ämetal gführt. Dete acho hät mer sofort Quartier bezoge, s'Kp und es Mat Mag sind igrichted worde. So gäge die 9 am Abig hät's mi dänn richtig Schlafsack zoge...
Mittwuche:
So gäge die 0700 bin i dur en riese Krach im gang usse verwachet. D'Wach am ZSA-Igang hät offebar gschlafe, und das hät eusem Kadi nöd ä so sehr passt. Nach eme gute PA Morgeässe isches ab richtig Kp gange (Kp und ZSA sind öppe 250 Meter usenand gsi). Nach ere churze Besprächig über dä reschtlichi Tagesverlauf isches für mich nach em Mittag ab richtig Züüghuus Bern gange. S'wahre Paradies für en Mat C, dete heisst's würkli no: Ich Will! (Dä Badge händ's dete leider nümme gha)
Am Abig bin i dänn grad für dä Z'Nacht no rächtzitig acho;-) Die Nacht bin i nanig ä so rasch go ligge.. S'Kader vom Kdo Z hät sich wieder ä mal mit dem beschäftiged was am liebste macht.. umeblödle und das bis fascht um Mitternacht..
Dunnstig:
0545 Tagwach, alli Wahr zur ZSA use, s'Mat Mag usruhme und dänn so gäge die 1000 isch dänn au s'KP uf e minimalgrössi gschrumpfed..
Churz vor dä 11ne isch die ganzi Kp innen Kp-Bereitschaftsruhm gfahre. Punkt 1230 isch dä Bf RETORNO inecho. Die ganzi Kp hät sich wieder uf dä Wäg richtig Grandvillard gmacht.
Dete acho isches grad drumm gange, dass sämtlichs Mat wo i dä letschte 12 Wuche brucht worde isch wieder zrugggfasst wird. Das ganze hät so bis öppe am 1900 dured. Nachane isch no en Usgang uf em Programm gstande, wobie die meiste gar nöd gange sind, will für dä Fritig dä 40er uf em Programm gsi isch
Fritig:
Dä Tag vo dä Wahrheit, dä 40er hät scho früh am Morge agfange, sit Jahre hät au wieder dä V+T- und dä Mat C müsse mitlaufe. Uf dä erste 20km hät mer so zimli jedes Wätter gha, wos git: Räge, Hagel, Isräge und Schneefall. Gott sei Dank bin i wieder i dä Zug cho, won i vor miner Mat C Laufbahn Uof gsi bin. Für die ganze 40Km händ's als erste Zug genau 7h und 10min brucht. E starchi Leischtig wämmer dänkt dass dä zweiti Zug über 30 Rückstand gha hät.
Samstig:
Wundersamer Wies ohni Muskelkater und Blatere isch Punkt 0745 as Hv gange.. 0800 Abträte und tschüss |
| |
| Bericht 10 |
|
|
|
Mänig:
D'WEMI hät agfange...
Am morge isch es drumm gange, dass alli Ada's ihres pers EAM abgä händ. Komischer Wies hät ziemli wenig gfählt
Nach em Mittagässe hät mer agfange s'erschte Korps Mat abgä, wobi d'Züüghüüsler wieder mal ihre eigetli Plan über dä Hufe gworfe händ
Zischtig:
Wie am Vortag hät mer mit dä Mat Abgab wietergmacht. Dä Grundsatz isch wieder ä mal gsi: "Lass dich nicht von Zeugheuslern aufregen" Me händ wieder me Mat chöne abgä als eigentli vorgseh wäri. Am Nami isch dänn no e Waffeinspektion uf em Programm gstande.
Mittwuch:
S'letschte Mat hät mer uf dä dä 10DM verlade und dänn isch au die Fuhr is Züüghuus gange. Die erschti provisorischi Rächnig isch cho.. momentane Verluscht 12'000 CHF, aber no ä kei Panik das isch genau no s'Mat wommer no bis am Fritig händ.
Dunnstig:
Für was i ufgstande bin weiss i ächt nöd.. Es isch dä ganzi Tag nüt gloffe.
Fritig:
Dä grossi Tag vo dä Entscheidig. Nach dä Schlussrächnig isch mer uf en Mat Verluscht vo 140 CHF cho. En verdammt chline Mat Verluscht für 10 Wuche Usbildig.. Aber leider häm mer au no e Mat Beschädigung vo 1200 CHF gha. Alles i alem händ mer en Soldabzug vo 17 CHF pro Nase gha. Und dänn hät's am 1430 gheisse: "Die Flab RS 93-2, Kp B-2 ist beendet";-)
Mit dem Satz sind für mich 9 Mönet Dienst am Stuck verbi gange, e langi, härti aber uf jede e lernrichi und guti Zit. Mit dem Satz verabschieded sich dä Lwf Uof Stinger TB228 vo dä Plattform motorfahrer.ch. Beschte Dank an Webmaster und für die wo no dranne sind, hebed dure!!
Tschou zäme
TB228 |
| |
| Banner |
 |
|
|
|
